Qoʻshimcha funksionallar
-
Tungi ko‘rinish
Air Arabia Samarqand yoki Buxoroga parvozlarni yo‘lga qo‘yishni rejalashtiryapti
Foto: Dunyo
O‘zbekiston elchisi Abdulaziz Aqqulov BAAning Air Arabia aviakompaniyasi tijorat menejyeri Akram Al Ismoil boshchiligidagi delegatsiya bilan muzokaralar o‘tkazdi, deb xabar bermoqda «Dunyo».
Air Arabia aviakompaniyasi shu yil 7 dekabrdan boshlab haftasiga 2 marotaba Abu Dabi – Toshkent – Abu Dabi yo‘nalishida parvozlarni yo‘lga qo‘yadi. Kelgusida ushbu qatnovlarni haftasiga 7 martagacha oshirish mo‘ljallanmoqda.
Uchrashuvda ushbu havo qatnovlarini keng jamoatchilik o‘rtasida targ‘ib qilish, O‘zbekiston boshqa shaharlariga parvozlarni amalga oshirish imkoniyatlari, mamlakatda yetishtirilgan mahsulotlarni BAAga eksport qilish imkoniyatlari muhokama qilindi.
Air Arabia vakillari yuklarni tashish bilan bog‘liq batafsil ma’lumotlarni qo‘shimcha ravishda taqdim qilishni, 2023 yil davomida aviakompaniya Abu-Dabidagi tayanch aeroporti ixtiyoridagi samolyotlar soni 8 tadan 15 taga ko‘payishi kutilayotgani va Samarqand yoki Buxoro shaharlariga parvozlarni yo‘lga qo‘yishni rejalashtirilayotganini ma’lum qilishdi.
Muhokamalar chog‘ida Air Arabia hamkorlari imkoniyatlaridan foydalangan holda Yevropadan O‘zbekistonga sayyohlarni jalb etish masalalari yuzasidan fikr almashildi.
Mavzuga oid
11:01 / 15.04.2025
BAAda sohilga neft sizib chiqdi: turistlar o‘zlarini yomon his qilmoqda
07:48 / 01.04.2025
«Bu hali yakuniy qaror emas» – Tashqi ishlar vazirligi BAAda 3 nafar O‘zbekiston fuqarosi o‘limga hukm qilinganini tasdiqladi
16:35 / 31.03.2025
BAA sudi rohib qotilligida gumon qilingan o‘zbekistonliklarni o‘limga hukm qildi – OAV
11:03 / 26.03.2025