Koinotning interaktiv xaritasi yaratildi 

Jons Hopkins universiteti olimlari koinotning bir qismini ko‘rish imkonini beruvchi yangi interaktiv xarita yaratdilar. 

Mualliflar Sloan Digital Sky Survey teleskopi orqali so‘nggi yigirma yil ichida olingan ma’lumotlardan foydalangan. Loyihaning asosiy g‘oyasi jamoatchilikka olamning bir qismi bilan bepul tanishish imkoniyatini berishdan iborat. 

Xarita 200 mingta galaktikaning haqiqiy joylashuvi va haqiqiy ranglarini o‘z ichiga oladi, ularning har birida milliardlab yulduzlar va sayyoralar mavjud. 

Xaritaning eng pastki qismida Quyosh tizimi joylashgan Somon yo‘lini topish mumkin, yuqori qismida esa koinotning kuzatish mumkin bo‘lgan chegarasi joylashgan. 

Shuningdek, xaritada 1,6 milliard yil oldin shakllangan elliptik galaktikalarni, aslida kvazar bo‘lgan ulkan qora tuynuklarni ham tomosha qilish mumkin.