O‘zbekistonlik talaba Peterburgda «Yil talabasi» tanlovi g‘olibi bo‘ldi

Sankt-Peterburgdagi oliy ta’lim muassasalari o‘rtasida o‘tkazilgan «Yil talabasi» tanlovida Sankt-Peterburg Davlat o‘rmon xo‘jaligi universitetida ta’lim olayotgan Asad Avezov g‘oliblikni qo‘lga kiritdi, deb xabar bermoqda «Dunyo».

Tanlov doirasida Sankt-Peterburg shahrida joylashgan 35 ta oliy ta’lim muassasalarida tahsil olayotgan 156 nafar talaba taqdimotlari final bosqichida baholandi. Nufuzli hakamlar baholari natijalari ko‘ra, 23 nafar talaba tanlov sovrindorlari qatoridan joy oldi.

«Yil talabasi» tanlovi g‘oliblarini taqdirlash marosimida Sankt-Peterburg shahri mutasaddilari, fan, ta’lim va madaniyat sohalari vakillari ishtirok etdi.