O‘zbekiston hududining katta qismida anomal past havo harorati kutilyapti
Joriy yilning 9-12 dekabr kunlari O‘zbekiston hududining katta qismida anomal past havo harorati kuzatilishi mumkin.
"O‘zgidromet" e’lon qilgan xabarda aytilishicha, kechalari 5-10 daraja sovuq, kunduz kunlari 0-5 daraja sovuq, respublikaning shimolida va cho‘l hududlarida kechalari 17-22 sovuq bo‘lishi kutilyapti.
Qayd etilishicha, 9-10 dekabrda ba’zi joylarda havo harorati 24 daraja sovuqqacha tushishi mumkin, kunduz kunlari 4-9 daraja sovuq saqlanib turadi.
Avvalroq Respublika Gidrometeorologiya markazi O‘zbekiston bo‘yicha 8 dekabr, payshanba kuni kuzatiladigan ob-havo ma’lumotini e’lon qilgandi.
Toshkent shahrida havo o‘zgarib turadi, vaqti-vaqti bilan qor yog‘adi, tuman tushadi. Yo‘llarda yaxmalak yuzaga keladi. Shamol sharqdan 5-10 m/s tezlikda esadi. Harorat kechasi 3-5 daraja, kunduzi 0-2 daraja sovuq bo‘ladi.
Respublika tog‘li hududlarida havo o‘zgarib turadi, vaqti-vaqti qor yog‘adi, tuman tushadi. Qor ko‘chish xavfi bor. Yo‘llarda yaxmalak yuzaga keladi. Shamol shimoli-sharqdan 7-12 m/s tezlikda esadi. Harorat kechasi 9-14 daraja, kunduzi 4-9 daraja sovuq bo‘ladi.
Mavzuga oid
10:23 / 12.11.2024
13 noyabr kuni vaqti-vaqti bilan yomg‘ir yog‘adi
15:45 / 11.11.2024
Hafta o‘rtalarida O‘zbekistonda kechasi havo harorati noldan pastga tushadi
12:21 / 11.11.2024
12 noyabr kuni harorat 19 darajagacha ko‘tariladi
14:31 / 09.11.2024