Qoʻshimcha funksionallar
-
Tungi ko‘rinish
Van Gal Niderlandiyadan iste’foga chiqishini e’lon qildi
JCh-2022 chorakfinali doirasidagi Niderlandiya – Argentina (2:2, penaltilar seriyasi – 3:4) o‘yinidan keyin turnir bilan xayrlashgan niderlandiyaliklar bosh murabbiyi Lui van Gal iste’foga chiqishini ma’lum qildi.
«Bosh murabbiy sifatida faoliyatimni davom ettirmayman. Men Niderlandiya bosh murabbiyi sifatida faqatgina JCh-2022da ishlashga rozi bo‘lgandim. Shunday ekan, bu mening so‘nggi uchrashuvimga aylandi.
Bu safar ham milliy jamoadagi davrimni ajoyib o‘tkazdim. Mana shunday alamli mag‘lub bo‘lmaslik uchun bor imkoniyatni ishga solganimdan keyin ham turnirni bu tarzda tark etish juda og‘riqli», - deydi 71 yoshli murabbiy.
Eslatib o‘tamiz, van Gal murabbiylik faoliyati davomida 3-marta Niderlandiya milliy jamoasini tark etdi. U dastlab 2000-2001, keyin 2012-2014, so‘nggi marta esa 2021-2022 yillar davomida «lolaranglilar» bosh murabbiyi sifatida ishladi.
Avvalroq, Braziliya bosh murabbiyi Tite ham Xorvatiya bilan mag‘lubiyatli o‘yindan keyin iste’foga chiqarilgandi.
Qatar-2022
Mavzuga oid
18:29 / 27.05.2025
Argentina Britaniyani Folklend orollari bo‘yicha muzokaralarni qayta tiklashga chaqirdi
13:09 / 26.05.2025
Niderlandiya Ukrainaga F-16'ning so‘nggi partiyasini yetkazib berishni yakunlayapti
14:57 / 19.05.2025
Argentinada suv toshqini tufayli 7500 dan ortiq kishi evakuatsiya qilindi
17:56 / 12.05.2025