Reklamada ota-onalar va tarbiyachilarni obro‘sizlantirish taqiqlanadi

Reklamada ota-onalar va tarbiyachilarni obro‘sizlantirish mumkin emas. Bu haqda "Huquqiy axborot" kanali yozmoqda.

Voyaga yetmaganlarni ular ishonchini va tajribasi yetishmasligini suiiste’mol qilishlardan himoya etish maqsadida reklamada quyidagilar taqiqlanadi:

voyaga yetmaganlarning iste’mol qilishi taqiqlangan tovarlarni iste’mol qilayotgan yoki ulardan foydalanayotgan voyaga yetmaganlar tasvirlaridan foydalanish;
xavfli vaziyatlarda, ular hayoti va sog‘lig‘iga tahdid soluvchi xatti-harakatlarni sodir etishga, o‘z sog‘ligiga zarar yetkazishga undovchi vaziyatlarda voyaga yetmaganlarni namoyish etishdan foydalanish;
voyaga yetmaganlarni tovarlarni olishga da’vat qilish yoki reklama qilinayotgan tovarlarni olishni iltimos qilib uchinchi shaxslarga murojaat etishga undash;
haqiqiy yoki o‘yinchoq quroldan foydalanish;
ota-onalar va tarbiyachilarni obro‘sizlantirish, voyaga yetmaganlar ularga bo‘lgan ishonchiga putur yetkazish;
voyaga yetmaganlar olishi yoki iste’mol qilishi taqiqlangan tovarlarni voyaga yetmaganlar uchun mo‘ljallangan telekanallarda, teleko‘rsatuvlar va radioeshittirishlarda reklama qilish.