Andijonda yerusti metrosi quriladi

Pedagoglar bilan bo‘lgan uchrashuv davomida prezident shu haqda gapirib o‘tdi. Qayd etilishicha, yerusti metrosi Andijonning markazidan yangi Andijon shaharchasigacha olib boriladi.

Foto: Prezident matbuot xizmati

“500 ming kishi yashaydigan Yangi Andijon shaharchasini barpo etyapmiz. U yerda ta’lim sohasiga ham ko‘p e’tibor qaratamiz. Andijon markazidan Yangi Andijonga qadar yer usti metrosini ham olib boramiz.

Nafaqat Yangi Andijon, barcha hududlarimizda muallimlarga ham, o‘quvchilarga ham katta e’tiborni kuchaytiramiz”, — dedi Mirziyoyev.

Eslatib o‘tamiz, 2021 yil iyun oyida prezident Andijon viloyatida o‘tgan faollar ishtirokidagi yig‘ilishda Andijon va yangi Andijon shaharlarini bog‘lash uchun metro qurish masalasini o‘rganish bo‘yicha topshiriq bergandi.