Dubayda o‘zbek milliy hunarmandchilik mahsulotlari do‘koni ochildi

Dubay xalqaro aeroportiga tutash hududda o‘zbek milliy hunarmandchilik mahsulotlari do‘koni va shou-rumi ochildi, deb xabar bermoqda “Dunyo”.

Foto: Kun.uz

Dubayda o‘zbek milliy hunarmandchilik mahsulotlari do‘konining tashkil etilishiga prezidentning ««Hunarmandchilik faoliyatini qo‘llab-quvvatlash tizimini yanada takomillashtirish chora-tadbirlari to‘g‘risida»»gi qarorining ijrosini ta’minlash doirasida joriy yil 22 sentabr – 5 oktabr kunlari Doha shahrida tashkil etilgan O‘zbekiston madaniyati kunlarida erishilgan edi.

Do‘kon uchun O‘zbekistondan hunarmandchilikning kashtachilik, kulolchilik, misgarlik, yog‘och o‘ymakorligi, gilamdo‘zlik, milliy matolar, miniatyura kabi 20 dan ortiq yo‘nalishlaridagi mahsulotlarning namunalari olib kelindi.

Tadbir doirasida O‘zbekistonda ishlab chiqarilayotgan hunarmandchilik mahsulotlari ko‘rgazmasi ham tashkil etildi.

#Dubay #hunarmandchilik