142 ta ijtimoiy obektlar uchun 150 mlrd so‘m ajratiladi

Vazirlar Mahkamasining “2022-2024 yillarda davlat ijtimoiy muassasalarining moddiy-texnik bazasini mustahkamlashga doir qo‘shimcha chora-tadbirlar to‘g‘risida”gi qarori qabul qilindi.

Ixtisoslashtirilgan maktabgacha va o‘rta ta’lim tashkilotlari hamda tibbiy-ijtimoiy muassasalarini ta’mirlash bo‘yicha manzilli dasturning asosiy parametrlari tasdiqlandi. Ularda 142 ta ijtimoiy obektlar uchun 150 mlrd so‘m ajratilishi belgilanmoqda.

Shuningdek, 2023 yilda umumiy quvvati 3 ming o‘rinli 14 ta tibbiy-ijtimoiy muassasalar (reabilitatsiya va protezlash markazlari va sanatoriylar) ta’mirlanadi.

2023-2024 yillarda 7 ta bolalar uyida jami 7,1 mlrd so‘mlik qurilish, ta’mirlash va jihozlash ishlari bajariladi.