Seulda Toshkent tibbiyot akademiyasining vakolatxonasi ochildi

Janubiy Koreya poytaxti – Seul shahrida Toshkent tibbiyot akademiyasi o‘z rasmiy vakolatxonasini ochdi, deya xabar bermoqda «Dunyo».

Tadbirda ishtirok etgan hamkorlar Janubiy Koreyadan ko‘plab talabalarni Toshkent tibbiyot akademiyasida o‘qishga yuborish, akademiyaning ko‘plab talabalarini Koreyaning nufuzli tibbiyot oliygohlariga qabul qilishni tashkil etish hamda bu borada o‘zaro hamkorlikni rivojlantirishga e’tibor qaratish zarurligini ta’kidladilar.

O‘zbekiston va Janubiy Koreya o‘rtasida tibbiyot yo‘nalishida hamkorlik o‘rnatilgan. Hozirgi paytda Toshkent tibbiyot akademiyasi Koreya Respublikasining 20 dan ortiq universiteti va klinikalari bilan hamkorlik qilmoqda.