Haydovchilar tayyorlash bo‘yicha litsenziya uchun 3 mln so‘m davlat boji undiriladi

“Davlat boji to‘g‘risida”gi qonunga o‘zgartish va qo‘shimcha kiritildi.

Prezident tomonidan imzolangan qonun bilan ayrim qonun hujjatlariga o‘zgartish va qo‘shimchalar kiritildi.

“Davlat boji to‘g‘risida”gi qonunga kiritilgan qo‘shimchaga ko‘ra, haydovchilar tayyorlash hamda qayta tayyorlash bo‘yicha litsenziya uchun BHMning 10 baravari (3 mln so‘m) miqdorida davlat boji undiriladi. 

Haydovchilarni tayyorlash uchun litsenziyani Ichki ishlar vazirligi berishini inobatga olgan holda boshqa nodavlat ta’lim faoliyatini litsenziyalash ustunida (29-ustun) haydovchilarni tayyorlash istisno ekani belgilab o‘tildi.