Namangandagi xonadonda gaz portlashi oqibatida 4 kishi jarohat oldi

Namangan viloyati Kosonsoy tumani «Nurobod» MFYda joylashgan xonadonda gaz portladi. Favqulodda vaziyatlar vazirligi hodisa yuzasidan rasmiy ma’lumot berdi.

Bugun, 7 fevral kuni soat 07:30 larda Namangan viloyati Kosonsoy tumani «Nurobod» MFY Navbahor ko‘chasi raqamsiz yashash uyida gaz-havo aralashmasining chaqnashi sodir bo‘lgan.

Chaqnash oqibatida 4 nafar fuqaro tan jarohatini olib, tuman tibbiyot birlashmasiga yotqizilgan.

Ma’lum qilinishicha, ayni vaqtda chaqnash oqibatlari bartaraf etilmoqda.

Voqea joyiga FVB, IIB, SSB, prokuratura hamda «Hududgazta’minoti» xodimlari chiqishgan.