Akmal Jumanazarov energetika vaziri o‘rinbosari etib tayinlandi

O‘zbekiston prezidentining tegishli qarori bilan Akmal Jumanazarov Energetika vazirining o‘rinbosari etib tayinlandi.

Akmal Jumanazarov / Foto: Energetika vazirligi

Energetika vazirligi matbuot xizmati xabariga ko‘ra, Akmal Jumanazarov elektr energetikasi va ko‘mir sanoati masalalari bo‘yicha energetika vazirining o‘rinbosari hisoblanadi.

Mazkur tayinlovga qadar Akmal Jumanazarov Vazirlar Mahkamasi Geologiya, energetika, sanoat va uning bazaviy tarmoqlarini rivojlantirish masalalari departamentining boshlig‘i lavozimida faoliyat yuritib kelayotgan edi.