Qoʻshimcha funksionallar
-
Tungi ko‘rinish
Qashqadaryoda qiz bolaning shaxsiy fotolarini tarqatish bilan qo‘rqitib, 5 ming dollar talab qilgan shaxs ushlandi
Holat yuzasidan Jinoyat kodeksining 165-moddasi (tovlamachilik) va 141-1-moddasi (shaxsiy hayot daxlsizligini buzish) bilan jinoyat ishi qo‘zg‘atilgan.
Shahrisabz tumanida shaxsiy fotosuratlarini ijtimoiy tarmoqlarda tarqatib yuborish bilan qo‘rqitib qiz boladan pul talab qilgan shaxs ushlangan. Bu haqda Bosh prokuratura departamenti xabar bermoqda.
Ma’lum bo‘lishicha, fuqarolardan biri qiz bola bilan gaplashib yurib, uning shaxsiy fotosuratlarini qo‘lga kiritgan. So‘ng ularni ijtimoiy tarmoqlarda tarqatish bilan qo‘rqitib, qizdan 5 ming dollar talab qilgan.
Bosh prokuratura huzuridagi departament hamda Shahrisabz shahar IIB tomonidan qizning murojaatiga asosan tezkor tadbir o‘tkazilgan.
Tadbirda yigit qizdan talab qilgan 5 ming dollardan 1 000 dollar olgan vaqtida ashyoviy dalillar bilan ushlangan.
Qayd etilishicha, mazkur holat yuzasidan Jinoyat kodeksining 165-moddasi (tovlamachilik) va 141-1-moddasi (shaxsiy hayot daxlsizligini buzish) bilan jinoyat ishi qo‘zg‘atilib, hozirda tergov harakatlari olib borilmoqda.
Mavzuga oid
19:37 / 04.06.2026
Qashqadaryolik eshak go‘shti savdogari: u uch oyda ikki bor sudlandi
19:37 / 23.04.2025
Qashqadaryoda 14 yoshli o‘smir boshqaruvidagi Gentra YTHga uchradi. Qurbonlar bor
10:10 / 04.04.2025
Tasvirga olish uchun rozilik olish talabi OAV faoliyatiga qanday ta’sir qiladi? Adliya vazirligi izohi
16:04 / 26.03.2025