AQSh Putinning g‘arbga qarshi ayblovlarini «absurd» deb atadi

AQSh prezidentining milliy xavfsizlik bo‘yicha maslahatchisi Jyeyk Sallivan Rossiya prezidenti Vladimir Putinning g‘arbga qarshi ayblovlarini «absurd» deb atadi. 

«Hech kim Rossiyaga hujum qilmayapti. Rossiya Ukraina yoki boshqa birov tomonidan qandaydir harbiy tahdid ostida, degan fikr absurddir», - dedi Sallivan jurnalistlarga. 

Uning so‘zlariga ko‘ra, Ukrainada urush boshlash qarori Putinning o‘z tanlovi bo‘lgan. 

«Rossiya Ukrainadagi urushni to‘xtatib, uyiga qaytsa - urush tugaydi. Ammo Ukraina urushni to‘xtatsa, AQSh va koalitsiya unga qarshi kurashda yordam berishni to‘xtatsa - Ukraina xaritadan yo‘qoladi», - deya qo‘shimcha qildi u.