«Surovikin qo‘mondonligida o‘q-dori muammo emasdi». Prigojin Shoyguga qarshi ittifoq to‘plamoqda

«Vagner» xususiy harbiy kompaniyasi rahbari va Rossiya mudofaa vazirligi rahbariyati o‘rtasidagi mojaro yangi bosqichga chiqdi. O‘z otryadlaridagi o‘q-dori taqchilligi muammosini tor doiralarda hal qila olmagan Yevgeniy Prigojin mudofaa vaziri Sergey Shoyguga qarshi ochiq kampaniya boshladi, u imkon qadar ko‘proq ittifoqchilarni atrofiga to‘plashga harakat qilmoqda: Checheniston rahbaridan tortib 2014 yildan buyon Ukraina sharqida jang qilib kelayotgan odamlargacha.