Toshkentda «Yevropa Ittifoqi - Markaziy Osiyo» fuqarolik jamiyati forumi bo‘lib o‘tadi

Tashqi ishlar vazirligida Yevropa ittifoqi delegatsiyasi rahbari, elchi Sharlotta Adrian bilan uchrashuv bo‘lib o‘tdi, deb xabar bermoqda «Dunyo».

Uchrashuvda O‘zbekiston va Yevropa ittifoqi o‘rtasidagi hamkorlikning bugungi holati va uni rivojlantirish istiqbollari, ikki tomonlama hamda mintaqalararo shaklda bo‘lajak tadbirlar muhokama qilindi.

10 mart kuni Toshkent shahrida o‘tkaziladigan «YeI – Markaziy Osiyo» fuqarolik jamiyati 4-forumining tashkiliy jihatlari xususida atroflicha fikr almashildi.

Yevropa tomoni ushbu tadbirni tashkil etishda ko‘rsatgan yordami uchun O‘zbekiston tomoniga minnatdorlik bildirdi

Uchrashuv yakunlari bo‘yicha ikki tomonlama kun tartibini yangi amaliy chora-tadbirlar bilan to‘ldirish bo‘yicha hamkorlikdagi ishlarni davom ettirish bo‘yicha kelishuvga erishildi.