Kiyevda Rossiya hujumi paytida barcha kamikadze dronlar yo‘q qilindi

Kiyevda Ukraina poytaxtiga hujum qilgan barcha kamikadze dronlar yo‘q qilindi. Bu haqda Telegram'da Kiyev shahar harbiy ma’muriyati (ShHM) rahbari Sergey Popko ma’lum qildi.

Foto: AFP

«Dushman yana bir bor Kiyev yo‘nalishi bo‘yicha Shahed uchuvchisiz uchish apparatlarini uchirdi, - deb yozadi u. - Bizning havo hujumidan mudofaa kuchlarimiz barcha havo nishonlarini yo‘q qildi. Biz ularga ajoyib ishlaganliklari uchun yana bir bor minnatdorchilik bildiramiz. Ayni paytdagi ma’lumotlarga ko‘ra, qurbonlar va vayronagarchiliklar haqida yo‘q. Ular bo‘yicha ma’lumot aniqlashtirilmoqda».

18 martga o‘tar kechasi Rossiya Ukrainaga ko‘p sonli uchuvchisiz uchoqlar bilan hujum qildi.

Kiyev va Kiyev viloyatida, shuningdek, Poltava, Xarkiv, Chernihov, Jitomir, Xerson, Mikolayiv, Rovno, Xmelnitskiy, Ternipil va Lviv viloyatlarida havo trevogasi e’lon qilindi. Ukraina Qurolli kuchlari Harbiy-havo kuchlari «Ukrayinska pravda» nashriga rossiyaliklar Shahed dronlari bilan shimoliy va janubi-sharqiy yo‘nalishlardan hujum qilganini tasdiqladi.

Ukraina havo hujumidan mudofaa kuchlarining Kiyev, Jitomir, Chernihov va Dnipropetrovsk viloyatlaridagi ishi haqida xabar berilgan. «Vostok» havo qo‘mondonligining xabar berishicha, Dnipropetrovsk viloyati osmonida uchta UUA, taxminan - Shahed-131/136 urib tushirilgan.