Millionlab insonlarning qoni to‘kilgan bosqinchilik urushi: AQSh nega Iroqni bosib olgandi?

Bundan rosa 20 yil oldin, 2003 yil 20 mart kuni AQSh harbiylari xavfli kimyoviy qurollar ishlab chiqaryapti degan da’vo bilan Iroqqa bostirib kiradi. Teng bo‘lmagan janglarda Iroq armiyasi yengiladi. Mamlakat prezidenti Saddam Husayn AQSh harbiylari tomonidan hibsga olinadi. So‘ng sud qilinib, qatl etiladi. Keyinchalik Iroqdan birorta ham jiddiy qurol topilmaydi va AQShning ayblovlari noto‘g‘ri bo‘lgani isbotlanadi. Biroq bu paytda dunyo sivilizatsiyasi beshiklaridan biri bo‘lgan Iroq vayron bo‘lib bo‘lgandi.