Amerika moliya bozoridagi xavotirlar: Dunyoning eng qudratli valutasining qulashi qanchalik asosli?

AQSh dollari dunyo valutasiga aylanibdiki, atrofida uning inqirozi haqidagi xabarlar o‘ralashib yuradi. Ammo shu paytga qadar dollar o‘zaro hisob-kitoblarda mavqeyini biror marta bo‘lsa-da yo‘qotmadi. To‘g‘ri, qadrsizlandi, naqd shakli borgan sari kamaymoqda, AQSh davlat qarzi bosimi ostida qoldi. Lekin baribir dollar hamon oldi-berdilar uchun jahonning eng qulay valutasi maqomini mustahkam saqlab turibdi.