O‘zbekiston va Shveytsariya o‘rtasida siyosiy maslahatlashuvlar o‘tkaziladi

O‘zbekiston tashqi ishlar vaziri o‘rinbosari G‘ayrat Fozilov kecha Shveytsariya Konfederatsiyasining favqulodda va muxtor elchisi Konstantin Obolenskiyni qabul qildi.

Suhbat chog‘ida O‘zbekiston-Shveytsariya munosabatlarini tomonlarni qiziqtirgan sohalarda yanada rivojlantirish yuzasidan o‘zaro fikr almashildi.

Muzokaralarda bo‘lajak qo‘shma tadbirlar jadvaliga, xususan, Iqtisodiy hamkorlik bo‘yicha hukumatlararo komissiya va ikki mamlakat tashqi ishlar vazirliklari o‘rtasida siyosiy maslahatlashuvlarning navbatdagi davrasini o‘tkazishga alohida e’tibor qaratildi.