Polsha «Yevropadagi eng kuchli armiyani» tuzmoqchi

Polsha Mudofaa vazirligi rahbari saylov kampaniyasi doirasida yaqin ikki yil ichida Yevropadagi eng qudratli quruqlikdagi armiyani yaratishga va’da berdi.

Foto: AP

Polsha yaqin ikki yil ichida kuchli armiya yaratish niyatida - bu haqda yakshanba, 23 aprel kuni, Polshaning PAP agentligiga ko‘ra, bir vaqtning o‘zida bosh vazir o‘rinbosari lavozimini egallab turgan mudofaa vaziri Mariush Blashchak ma’lum qildi. Va’da saylov kampaniyasi doirasida berilgan - Polshada parlament saylovlari kuzda bo‘lib o‘tadi.

Blashchakka ko‘ra, hukmron milliy-konservativ «Qonun va adolat» partiyasi g‘alaba qozonsa, «ikki yildan so‘ng Polsha armiyasi Yevropadagi eng kuchli quruqlikdagi armiyaga aylanadi».

Varshavadagi konservatorlar boshchiligidagi hukumat Ukrainaning eng kuchli siyosiy va harbiy tarafdorlaridan biri hisoblanadi. Shu bilan birga, Polsha nafaqat Rossiya Federatsiyasi tomonidan hujumga uchragan qo‘shni davlatni tanklar, MiG-29 qiruvchi samolyotlari va boshqa turdagi qurollar bilan ta’minlaydi, balki o‘z armiyasini faol ravishda qurollantiradi.