May oyida Oyning noyob tutilishi yuz beradi 

2023 yilda Oyning yarim soyali tutilishi may oyida yuz beradi. U aprel oyi oxirida boshlangan 2023 yilgi «tutilishlar» yo‘lagini yopadi. 

Oyning yarim soyali tutilishi - bu Yerning faqat tashqi soyasi Oy diskiga tushishini anglatadi. Ya’ni, bu tutilish to‘liq emas. To‘liq tutilish uchun Quyosh, Yer va Oy bir chiziqda bo‘lishi kerak. 

2023 yil 5 maydan 6 mayga o‘tar kechasi Yevropa, Afrika, Osiyo va Avstraliyaning aksariyat aholisi Oyning yarim soyali tutilishini kuzatishi mumkin bo‘ladi. 

Tutilish cho‘qqisida Oy chetining qorayganini, ya’ni diskining yarim soyada bo‘lgan qisminigina ko‘rish mumkin bo‘ladi. 

5 may kuni Oyning katta qismi yarim soyada bo‘ladi, shuning uchun tutilish chuqur yarim soyali deb ataladi. Tutilishning o‘rtasida Oy yuzasi odatdagi oq o‘rniga qora va jigarrangga aylanishi mumkin. 

Oy tutilishini yaxshiroq ko‘rish uchun ob-havo ochiq bo‘lishi kerak, shaharlarda esa osmono‘par binolardan uzoqda kuzatish kerak. 

Keyingi shunday tutilish 2042 yil sentabr oyida sodir bo‘ladi. 

Oy tutilishining odamlarga alohida ta’siri borligi haqida ilmiy dalillar yo‘q. Ammo sezgir va salomatligi ob-havoga bog‘liq odamlar bu hodisadan ta’sirlanishi, asab qo‘zg‘aluvchanligi kuchayishi, tashvish va bezovtalik hissi yoki aksincha, eyforiya kuzatilishi mumkin. Ruhiy nevrologik kasalliklarga chalingan odamlar o‘zini yaxshi his qilmasligi mumkin.