Ispaniya va Portugaliyani jazirama ob-havo qamrab oldi
Ispaniyaning Kordova shahrida aprel oyidagi eng yuqori harorat qayd etildi. Mutaxassislar issiqlikni global isish bilan bog‘layapti.
Ispaniyaning qit’a qismida va Portugaliyada yangi issiqlik rekordlari o‘rnatildi - ob-havoni kuzatish uchun aprel oyida termometrlar hech qachon hozirgidek yuqori ko‘rsatkichlarga chiqmagan. Ispaniya janubidagi Kordova shahrida 28 aprel, juma kuni havo harorati +38,8 darajagacha ko‘tarildi. Qo‘shni Portugaliyada ob-havo xizmati mamlakatning markaziy qismidagi Mora shahrida +36,9 darajani qayd etdi.
Ispaniyada rasmiylar o‘rmon yong‘inlari xavfi haqida ogohlantirdi. Madrid hukumati odatdagidan bir yarim oy oldin o‘rmon yong‘inlarini kuzatish xizmatini faollashtirdi. Ispaniyada o‘tgan yilning shu davridagi 17 ming gektarga nisbatan bu yil allaqachon 54 ming gektar o‘rmon yonib ketdi.
2022 yilda Ispaniyada rekord darajadagi eng issiq yoz qayd etilgandi. Mutaxassislar misli ko‘rilmagan issiqlik to‘lqinini iqlim o‘zgarishi bilan bog‘lashmoqda.
Mavzuga oid
23:46 / 18.09.2024
Portugaliyada o‘rmon yong‘inlari tufayli favqulodda holat e’lon qilindi
23:33 / 16.09.2024
Portugaliyada o‘rmon yong‘inlari avj oldi. YeI mamlakatga o‘t o‘chiruvchi samolyotlarni yubormoqda
10:00 / 22.08.2024
Madeyra orolidagi yong‘in: Portugaliya YeIdan yordam so‘radi
10:20 / 14.06.2024