Paxtachi tumanidagi gaz quyish shoxobchasida yong‘in va kuchli portlash yuz berdi
Yong‘in bartaraf etilgan, falokat oqibatida bir kishi jarohatlangan.
9 may kuni soat 21:25 da Samarqand viloyati, Paxtachi tumani, Yangiobod mahallasida joylashgan aholiga suyultirilgan gaz quyish shoxobchasi hududida yong‘in va portlash sodir bo‘ldi.
FVV xabariga ko‘ra, hodisa joyiga 5 ta yong‘in-qutqaruv ekipaji yetib borib, soat 22:30 da yong‘in qurshab olingan va soat 23:00 da bartaraf etilgan.
Yong‘in oqibatida shoxobcha hududida bo‘lgan 3 ta «Isuzu» rusumli avtomashina va ulardagi sig‘imi 50 litrli suyultirilgan uglevodorod gazli ballonlar yorilib, zararlangan.
Hodisa shoxobchadagi «MAN» rusumli suyultirilgan gaz tashuvchi mashinadan gazni zaxira sig‘imiga bo‘shatish jaryonida xavfsizlik texnikasi qoidalari buzilishi oqibatida yuzaga kelgani taxmin qilinmoqda.
Dastlabki ma’lumotlarga ko‘ra, hodisa oqibatida bir kishi tan jarohati olgan. Hozirda vaziyat oqibatlarini bartaraf etish ishlari olib borilmoqda.
Mavzuga oid
19:00 / 13.09.2024
Urgutda tabiatga 1 mlrd so‘mdan ortiq zarar yetkazilgani ma’lum bo‘ldi
15:31 / 05.09.2024
Samarqandda bir tup terakni kesgan fuqaro 9 mln 375 ming so‘m jarimaga tortildi
13:30 / 01.09.2024
Samarqandda 10 ming dollarga giyohvandlik moddasini sotayotgan shaxslar ushlandi
13:40 / 11.08.2024