Jiddada O‘zbekiston mahsulotlari ko‘rgazmasi tashkil etiladi

Joriy yil 25 may kuni mamlakatning Bosh konsulxonasi O‘zbekiston eksportchilar uyushmasi va Jidda Savdo-sanoat palatasi bilan hamkorlikda “O‘zbekiston mahsulotlari ko‘rgazmasi” tashkil etadi, deb xabar bermoqda “Dunyo”.

Foto: AP

Ko‘rgazma doirasida ikki davlat ishbilarmonlarining qishloq xo‘jaligi, qurilish, yengil sanoat va turizm sohalaridagi o‘zaro hamkorligini yo‘lga qo‘yish maqsadida B2B uchrashuvlarni tashkillashtirish ko‘zda tutilgan.

Bo‘lajak ko‘rgazma va uchrashuvlarda Jidda Savdo-sanoat palatasi vakillari, FlyNas aviakompaniyasi mas’ullari va saudiyalik biznesmenlar ishtirok etishi kutilmoqda.