Qashqadaryoda «Jiguli» portladi

Mashinada avvaliga yong‘in sodir bo‘lgan. So‘ng unga o‘rnatilgan gaz balloni portlagan.

Foto: Videodan kadr

Qashqadaryo viloyati Chiroqchi tumanida «Jiguli» mashinasi portlab ketgan. Viloyat IIB axborot xizmatining xabar berishicha, hodisa 2023 yil 13 may kuni tunda sodir bo‘lgan.

Chiroqchi tumani "Choshtepa" MFY Sayid obod ko‘chasida «Jiguli» mashinasi yonayotgani haqida tuman FVBga xabar kelib tushgan.

Zudlik bilan hodisa joyiga 1 ta yong‘in qutqaruv ekipaji yetib borib olovni o‘chirgan. Biroq ungacha mashina yonib bo‘lgan va undagi gaz balloni portlagan.

Qayd etilishicha, hodisada hech kim tan jarohati olmagan va halok bo‘lmagan.