Germaniyada Google'ga faqat isbotlangan yolg‘on kontentni o‘chirish majburiyati yuklandi

Google va boshqa qidiruv tizimlari munozarali ma’lumotlarni qidiruv natijalaridan faqat jabrlanuvchi yolg‘on axborot mavjudligini yetarlicha isbotlay olsagina o‘chirib tashlashga haqli, deya qaror qildi Germaniya Federal sud palatasi 23 may, seshanba kuni.

Sud qarorida aytilishicha, operatorlarning o‘zi tegishli surishtiruv o‘tkazishi va jabrlanuvchilar bilan bog‘lanishi shart emas. Shu tariqa, palata Yevropa sudi pozitsiyasiga e’tibor qaratib, o‘z qarorini qabul qildi.

Xususan, moliyaviy xizmatlar sohasida bir nechta da’vogarlarning ishi ko‘rib chiqildi. Ular o‘zlarining investitsiya modeli haqidagi bir qator tanqidiy maqolalarni Google qidiruv natijalaridan chiqarib tashlashga harakat qilishdi. Federal sud palatasi ushbu da’vogarlarning fotosuratlarini kontekstdan tashqari qidiruv natijalaridan olib tashlash talabini asosli deb hisobladi.