Ilon Mask dunyoning eng boy odamlari ro‘yxatida birinchi o‘ringa qaytdi 

Tesla va SpaceX asoschisi, shuningdek, Twitter egasi Ilon Mask Bloomberg talqini bo‘yicha sayyoramizning eng boy odamlari reytingida yana birinchi o‘rinni egalladi. Uning boyligi 192 milliard dollardan oshgan. 

Mask LVMH (Louis Vuitton Moet Hennessy) kompaniyalar guruhi prezidenti Bernard Arnoni ortda qoldirdi, uning boyligi 186,6 milliard dollarga baholanmoqda. 

Agentlik ma’lumotlariga ko‘ra, sayyoradagi uchinchi eng badavlat odam Amazon asoschisi Jyeff Bezos bo‘lib, uning boyligi taxminan 144 milliard dollarni tashkil qiladi. 

51 yoshli Maskning aktivlari joriy yilda 50 milliard dollardan ko‘proqqa oshgan. Bu ko‘p jihatdan uning Tesla kompaniyasi aksiyalari narxining oshishi tufayli sodir bo‘lgan.