Nogironlari kamsitilayotgan Ittifoq yoxud odamlar qarg‘ishi ustiga qurilayotgan “dom”

Farg‘ona viloyati Bog‘dod tumanida nogironligi bor shaxslar va kam ta’minlangan oilalar yashaydigan ko‘p qavatli turar joy majmuasi poydevori tagi kovlab tashlanib, unga taqab yana bir ko‘p qavatli uy qurilmoqda. Rasmiylarning telba-teskari izohlari esa vaziyat o‘z holiga tashlab qo‘yilganini ko‘rsatmoqda. Achinarlisi, poydevor qazish ishlari natijasida ayrim xonadon devorlari darz ketgan.