Xivada Xalqaro bolalarni himoya qilish kuniga bag‘ishlab, 6 yoshli bolalar o‘rtasida velomarafon o‘tkazildi

Maktabgacha va maktab ta’limi vazirligi tashabbusi bilan tashkil etilgan velomarafonda bolalar esdalik medallari, sovg‘alar bilan taqdirlandi. Shuningdek, ishtirokchilar uchun ko‘ngilochar dastur tashkil etilib, turli tanlov, o‘yinlar o‘tkazildi.

Foto: Maktabgacha va maktab ta’limi vazirligi

Bolalar velomarafonining asosiy maqsadi atrof-muhitni muhofaza qilish va yashil transport turidan foydalanish sohasida barqaror ko‘nikmalarni rivojlantirish, shuningdek, maktabgacha yoshdagi bolalar o‘rtasida velosportni ommalashtirish, sog‘lom turmush tarzini targ‘ib qilish va xulq-atvor madaniyatini oshirish, yo‘l harakati xavfsizligi qoidalariga rioya qilishga o‘rgatishdan iborat.

Ma’lumot uchun, O‘zbekistonda 2021 yilda maktabgacha ta’lim tizimiga ekologik ta’lim-tarbiyani hamda bolalar uchun begovel haydash metodikasini joriy qilish bo‘yicha loyiha ishga tushirilgan.