Muhim axborot infratuzilma obektlarida kiberxavfsizlikni ta’minlash choralari belgilandi
Prezident tomonidan “O‘zbekiston muhim axborot infratuzilmasi obektlari kiberxavfsizligini ta’minlash tizimini takomillashtirish bo‘yicha qo‘shimcha chora-tadbirlar to‘g‘risida”gi qaror imzolandi.
Endilikda kiberxavfsizlikka mas’ul bo‘lgan xodimlarni lavozimga tayinlash va ozod etish haqida ma’lumot DXXga taqdim etiladi. Shuningdek ushbu xodimlar har 3 yilda DXX tomonidan attestatsiyadan o‘tkaziladi.
Muhim axborot infratuzilmasi – muhim strategik va ijtimoiy-iqtisodiy ahamiyatga ega bo‘lgan avtomatlashtirilgan boshqaruv tizimlarining, axborot tizimlari va tarmoqlar va texnologik jarayonlar resurslarining majmui.
Hujjat bilan muhim axborot infratuzilmasi (MAI ) obektlari kiberxavfsizligini ta’minlash tartibi to‘g‘risidagi nizom tasdiqlanmoqda. Unga ko‘ra, quyidagilar kiberxavfsizlik tizimining asosiy vazifalari hisoblanadi:
MAI obektlarida qayta ishlanadigan ma’lumotdan noqonuniy foydalanish, uni o‘chirib tashlash, o‘zgartirish, bloklar (cheklash), nusxa olish, taqdim qilish, tarqatish va shu kabi kiberxavfsizlikka tahdid soluvchi boshqa noqonuniy xatti-harakatlarning oldini olish;
ma’lumotni qayta ishlashning apparat, dasturiy va apparat-dasturiy vositalariga MAI obektlari ishining buzilishi va (yoki) to‘xtab qolishiga olib kelishi mumkin bo‘lgan ta’sirga yo‘l qo‘ymaslik;
MAI obektlari faoliyatini telekommunikatsiya tarmoqlari, axborot resurslari va hayot faoliyati tizimini zaxiralash orqali tiklash.
Mavzuga oid
18:36 / 14.09.2024
O‘zbekiston Global kiberxavfsizlik indeksidagi o‘rnini yaxshiladi
09:44 / 04.08.2024
Telegramdan soxta havola jo‘natib o‘zganing 27 mln so‘m pulini o‘zlashtirgan shaxs ushlandi
11:42 / 21.06.2024
Markaziy bankka kiberxavfsizlikni ta’minlashga oid qo‘shimcha vakolatlar beriladi
16:49 / 30.04.2024