Angliyada qishloq xo‘jaligi texnikasini o‘g‘irlash ko‘paydi. Ular Rossiyaga sotilayotgan bo‘lishi mumkin

Britaniya politsiyasining qishloq xo‘jaligida jinoyatchilik bo‘limi boshlig‘i Endryu Xaddlstounaga ko‘ra, mavjud dalillar uyushgan jinoiy guruhlar o‘g‘irlangan jihozlarni Sharqiy Yevropaga jo‘natayotganidan dalolat beradi. Hozircha politsiyada Rossiya savdoning yakuniy nuqtasi ekanligi haqida ishonchli dalillar yo‘q, ammo Xaddlstoun ta’kidlashicha, u va uning hamkasblari bunga shubha qilmaydi. 

«Agar siz mening professional fikrim bilan qiziqsangiz, unda, qaysidir mamlakat sanksiyalar ostida qolsa, qora bozor bunga munosabat bildirishi aniqdir», deb tushuntirdi politsiyachi. Xaddlstounning so‘zlariga ko‘ra, o‘g‘rilarda, ayniqsa, fermerlarga ekin ekish paytida harakatlanishga yordam beradigan qimmatbaho GPS qurilmalariga talab katta. 

NFU Mutual sug‘urta kompaniyasi joriy yilning dastlabki to‘rt oyida bunday o‘g‘irliklar natijasida yetkazilgan zarar 500 ming funt sterlingdan (625 ming dollar) oshganini ma’lum qildi, bu o‘tgan yilning shu davriga nisbatan ikki barobar ko‘pdir. 

«Bu tom ma’noda pandemiyaga o‘xshaydi. Texnikalar qayerga qo‘yilgan bo‘lsa ham, u baribir xavfsiz holatda emas», dedi xartfordshirlik fermer jurnalistlarga.