Niderlandiya va Kanada Suriyaga qarshi BMT sudiga da’vo arizasi bilan murojaat qildi

Niderlandiya va Kanada “xalqaro huquqni son-sanoqsiz buzgan” Suriyaga qarshi Xalqaro sudga qo‘shma da’vo kiritdi. Haagadagi sudning 12 iyun, dushanba kuni tarqatilgan bayonotiga ko‘ra, da’vogar davlatlar Bag‘dodga nisbatan qiynoqlar, mahbuslarga g‘ayriinsoniy muomala, jinsiy zo‘ravonlik va o‘g‘irlash amaliyotiga chek qo‘yish uchun shoshilinch choralar ko‘rishni talab qilmoqda.

Da’voga ko‘ra, Suriya rasmiylari tomonidan xalqaro huquq buzilishi kamida 2011 yilda namoyishlarni shafqatsizlarcha bostirish bilan boshlangan va keyinchalik uzoq qurolli to‘qnashuvlar davomida kuzatilgan, bunda Damashq boshqa narsalar qatori kimyoviy qurol ishlatgan, bu esa ko‘p sonli odamlar o‘limi va jarohatlariga sabab bo‘lgan.

Suriya tomonidan Qiynoqlarga qarshi konvensiyaning buzilishini da’vo qilgan Kanada va Niderlandiya BMT sudidan fuqarolarni himoya qilish uchun Damashq rasmiylariga nisbatan vaqtinchalik choralar ko‘rishni so‘radi. Ularning so‘rovi tezkorlik asosida ko‘rib chiqiladi, biroq ko‘rib chiqish sanasi hali belgilanmagan. Xalqaro sudning qarorlari majburiydir.