Sirdaryo viloyati hokimi Senat a’zoligiga saylandi
Oliy Majlis Senatida Sirdaryo viloyatidan bo‘shab qolgan o‘rin uchun saylov bo‘lib o‘tdi.
Saylov natijalariga ko‘ra Sirdaryo viloyati hokimi Akmal Mahmudaliyev Oliy Majlis Senati a’zoligiga saylandi.
Akmal Mahmudaliyev 1974 yilda Farg‘ona viloyatida tug‘ilgan. Ma’lumoti oliy. 1995 yilda Samarqand kooperativ instituti, 2005 yilda Toshkent kimyo-texnologiya institutini tamomlagan.
U Vazirlar Mahkamasi mas’ul xodimi, Farg‘ona viloyatining Uchko‘prik tumani hokimi, Navoiy viloyati hokimining qishloq va suv xo‘jaligi masalalari bo‘yicha o‘rinbosari lavozimida ishlagan.
2022 yil noyabrida Akmal Mahmudaliyev Sirdaryo viloyati hokimi vazifasini vaqtincha bajaruvchi etib tayinlangandi. 2023 yil aprel oyi boshida u hokimlikka rasman tasdiqlandi.
Bundan oldin Surxondaryo viloyati hokimi Ulug‘bek Qosimov Oliy Majlis Senati a’zoligiga saylangandi.
Mavzuga oid
13:08
Senat Xalqaro mehnat tashkiloti Konvensiyasini ratifikatsiya qildi
12:29
Tabiblik litsenziyasiga ega bo‘lmagan shaxslar davolash xizmatini ko‘rsatgani uchun javobgarlik joriy qilinmoqda
18:36 / 20.09.2024
Psixologik yordam ko‘rsatish faoliyatini tartibga soluvchi qonun ma’qullandi
18:30 / 20.09.2024