Yaponiyaning Kagava prefekturasi O‘zbekistondan ishchi kuchi yollamoqchi
Yaponiyaning Kagava prefekturasi va Sirdaryo viloyati o‘rtasida o‘zaro aloqalarni yo‘lga qo‘yish istiqbollari muhokama qilindi

Foto: Dunyo AA
O‘zbekiston elchisi Muhsinxo‘ja Abdurahmonov boshchiligida diplomatik missiya delegatsiyasi Yaponiyaning Kagava prefekturasiga ishchi tashrifi doirasida prefektura gubernatori Toyoxito Ikeda bilan muzokaralar o‘tkazdi, deb xabar bermoqda «Dunyo».
Uchrashuv chog‘ida ikki tomonlama hududlararo munosabatlarni rivojlantirish masalalari muhokama qilindi. Bugungi kunda O‘zbekiston va Yaponiya hududlari o‘rtasida ko‘plab samarali hamkorlik aloqalari o‘rnatilgani, Toshkent-Nagoya, Samarkand-Nara, Rishton-Maydzuru shaharlari o‘rtadagi birodarlik aloqalari qayd etildi.
O‘zbekiston vakillari Kagava prefekturasi va Sirdaryo viloyati o‘rtasida o‘zaro aloqalarni yo‘lga qo‘yish taklifini bildirishdi.
Prefektura gubernatori Toyoxito Ikeda O‘zbekiston, xususan Sirdaryo viloyati bilan hududlararo aloqalar o‘rnatishdan manfaatdor ekanini ta’kidladi. Gubernator hozirgi kunda Kagava prefekturasi sanoati uchun injyener mutaxassislari yetishmayotganini ta’kidlab, O‘zbekistondan ishchi kuchini yollashga qiziqishi borligini ma’lum qildi.
Uchrashuvda universitetlar va maktab ta’limi yo‘nalishi bo‘yicha akademik hamkorlikni yo‘lga qo‘yish, Kagava prefekturasidagi ta’lim muassasalarida o‘zbekistonlik o‘quvchi va talabalar uchun qisqa muddatli kurslarni tashkil qilish, Yaponiya yuqori maktabi o‘quvchilarining xorijiy ilmiy safarlarini O‘zbekistonda o‘tkazish kabi masalalar bo‘yicha kelishuvga erishildi.
Tashrif doirasida elchixona vakillari Yaponiyaning OISCA tashkilotining Shikoku bo‘linmasi qoshidagi o‘quv markazida bo‘lib, markaz direktori Ishimi Yasuo, OISCA ijrochi direktori Ishii Yoshio hamda amaliyotchilar bilan uchrashdi.
Tavsiya etamiz
Modrich «Real»ni tark etadi
Sport | 20:38 / 22.05.2025
Suriya Isroil bilan murosa qiladimi?
Jahon | 15:40 / 22.05.2025
Sun’iy intellekt dunyodagi har to‘rtinchi ish o‘rniga ta’sir ko‘rsatmoqda - BMT
Jahon | 21:49 / 21.05.2025
Hindistonda firibgar kelin yetti oyda 25 nafar kuyovni aldadi
Jahon | 21:32 / 21.05.2025
Mavzuga oid

10:18 / 23.05.2025
O‘zbekistonlik 1500 dan ortiq fuqaro Sloveniyada ish topishi mumkin

00:46 / 06.05.2025
Xitoyda muntazam ravishda ortiqcha ishlab kelgan repetitor o‘z ishxonasida vafot etdi

10:49 / 14.04.2025
O‘zbekistonliklar Turkiyadagi yolg‘on ish takliflari haqida ogohlantirildi

11:36 / 12.04.2025