Jamiyatni zararli axborotlardan himoya qilishda – inson huquqlari buzilmasligi kerak. Huquqshunosdan qonunchilikka tavsiyalar

O‘zbekiston o‘zi qo‘shilgan xalqaro hujjatlar va bosh qomus – Konstitutsiyaga ko‘ra, insonning biror bir fikrlashi cheklanmaydi, faqatgina ushbu fikrni tarqatish qonunga binoan cheklanishi mumkin. Lekin bu cheklovlarga rioya qilmaslikning barchasi ham jinoiy javobgarlikka olib kelmasligi kerak. O‘zbekistonda amaldagi qonunchilikda bu borada qanday tushunmovchiliklar bor, jazo choralari adolatlimi hamda “ho‘l-u quruqni” ajratib oladimi? Huquqshunos Rustam Eshboyev shu haqda so‘z yuritib, qonunchilikka o‘z takliflarini berdi.