O‘zbekiston tashqi ishlar vaziri ShHT bosh kotibi bilan uchrashdi

«Shanhay hamkorlik tashkiloti bosh kotibi Chjan Min janoblari bilan uchrashishdan mamnunmiz», - deb yozdi O‘zbekiston TIV rahbari o‘zining Telegram-kanalida. 

Uchrashuvda ShHTning kengayib borayotgan kun tartibi va oshib borayotgan iqtisodiy ahamiyati ko‘rib chiqilgan.

Bundan tashqari, a’zo davlatlar o‘rtasida bog‘liqlikni mustahkamlash va mavjud salohiyatni to‘liq ro‘yobga chiqarish uchun samarali mexanizmlar ishlab chiqish kabi ko‘plab masalalar muhokama qilingan.