AQSh Senati rekord darajadagi harbiy budjetni tasdiqladi

AQSh Senati mudofaa xarajatlari uchun 880 milliard dollarlik qonun loyihasini ma’qulladi. Bu haqda C-SPAN telekanali xabar berdi. 

Yakuniy loyiha dastlabki variantdan biroz farq qiladi. Unda davlat tibbiy sug‘urtasi va harbiylar orasidagi gender masalalari bo‘yicha bandlar bor. Ushbu o‘zgarishlar qonun loyihasi AQSh prezidenti Jo Baydenga imzolash uchun yuborilishidan oldin kelishuv komissiyasi tomonidan hal qilinishi kerak. 

Mudofaa budjetida Ukraina uchun ATACMS operativ-taktik raketa tizimlari uchun 80 million dollar, shuningdek, Xavfsizlik tashabbusi orqali yordam sifatida 300 million dollar ajratilishi ko‘zda tutilgan. 

Avvalroq AQSh Senati mudofaa budjetiga Kiyevga harbiy yordamni cheklash bo‘yicha tuzatish kiritishni qo‘llab-quvvatlamagan edi.