Eron Tehron va Toshkent o‘rtasida to‘g‘ridan to‘g‘ri reyslarni yo‘lga qo‘ymoqda 

Eronning Qeshm Air aviakompaniyasi Tehron va Toshkent o‘rtasida to‘g‘ridan to‘g‘ri reyslarni yo‘lga qo‘ymoqda.

9 avgust kuni Tehron — Toshkent — Tehron yo‘nalishi bo‘yicha birinchi muntazam yo‘lovchi reysi amalga oshirilishi rejalashtirilgan. 

Reyslar haftasiga bir marta — chorshanba kunlari shinam Airbus A320 samolyotlarida amalga oshirilishi kutilmoqda.

Qeshm Air — shtab-kvartirasi Tehronda joylashgan Eron aviakompaniyasi bo‘lib, 1993 yilda tashkil etilgan hamda mahalliy va xalqaro yo‘lovchi reyslarini, shuningdek, charter reyslarini amalga oshiradi.