Qaysi omillar keyingi oylarda narx-navo oshishiga ta’sir ko‘rsatishi mumkin? – MB inflyatsion kutilmalarni e’lon qildi
Aholi va tadbirkorlarning valuta kursi o‘zgarishidan xavotirlari oxirgi 1,5 yillikdagi eng yuqori nuqtaga yetgan. Shuningdek, har ikkala toifa ham yoqilg‘i va energiya narxlarining qimmatlashishini narxlarga eng ko‘p bosim o‘tkazuvchi omillardan biri sifatida keltirib o‘tgan.
Markaziy bank iyul oyi uchun aholi va tadbirkorlik sub’yektlarining inflyatsion kutilmalari bo‘yicha malumotlarni e’lon qildi.
Unga ko‘ra, aholining inflatsiya bo‘yicha kutilmalari 0,3 foiz bandga pasayib, 13 foizni tashkil qilgan.
Aholi kelgusida narxlar oshishiga quyidagi omillar ta’sir qiladi deb hisoblaydi:
- valuta kursi o‘zgarishi (59 foiz);
- yoqilg‘i va energiya narxlarining qimmatlashishi (36 foiz);
- narxlarning sun’iy oshirilishi (32 foiz).
- ish haqi va nafaqalarning oshishi (32 foiz);
- kommunal xizmatlarning qimmatlashishi (32 foiz).
Tadbirkorlik sub’yektlarining inflyatsion kutilmalari
Iyul oyi yakunlari bo‘yicha kelgusi 12 oy uchun narxlar o‘sishiga oid respondent tadbirkorlik sub’yektlarining kutilmalari 13,5 foizni tashkil qilib, o‘tgan oyga nisbatan 0,3 foizga oshgan.
Biznes vakillari narxlar oshishiga quyidagi omillar ta’sir qiladi deb hisoblaydi:
- valuta kursining o‘zgarishi (60 foiz);
- yoqilg‘i va energiya resurslarining qimmatlashishi (37 foiz);
- ish haqi va nafaqalarning oshishi (33 foiz);
- kommunal xizmatlarning qimmatlashishi (29 foiz).
Mavzuga oid
13:30 / 10.10.2024
Markaziy bank raisiga yangi o‘rinbosar tayinlandi
13:41 / 08.10.2024
Fuqarolarni onlayn kredit firibgarligidan saqlovchi choralar belgilandi. Yangi mexanizm qanday ishlaydi?
23:44 / 07.10.2024
O‘zbekiston oltin-valuta zaxiralari 41 mlrd dollardan oshdi
07:30 / 02.10.2024