“Nurli maskan” maktab-internatlarida o‘quv ishlab chiqarish korxonalari tashkil etiladi

“Nurli maskan” ixtisoslashtirilgan maktab-internatlarida maxsus o‘quv ishlab chiqarish korxonalari tashkil etiladi. Bu bo‘yicha hukumat qarori qabul qilindi.

Qarorga ko‘ra, 2023 yil 1 sentabrdan respublikaning barcha 16 ta “Nurli maskan” ixtisoslashtirilgan maktab-internatlarida maxsus o‘quv ishlab chiqarish korxonalari faoliyati yo‘lga qo‘yiladi. 

Maqsad ko‘zi ojiz va ko‘rishda nuqsoni bo‘lgan bolalarning jamiyatdagi o‘rnini mustahkamlash, ularni kasb-hunarga o‘rgatish hamda kasb egallashiga ko‘maklashish, ijtimoiy hayotga tayyorlab borishdan iborat. 

O‘quv ishlab chiqarish korxonasi bunga qadar Andijon viloyatining 16-sonli “Nurli maskan” ixtisoslashtirilgan maktab-internatida tajriba-sinov tariqasida tashkil etilgan.