Navoiy viloyati hokimiga yangi o‘rinbosar tayinlandi
Jamshid Xo‘jayev bungacha Yoshlar ishlari agentligi direktorining birinchi o‘rinbosari lavozimida ishlayotgandi.
Navoiy viloyati hokimiga yangi o‘rinbosar tayinlandi. «Davlat boshqaruvi» telegram-kanali xabariga ko‘ra, Jamshid Xo‘jayev Navoiy viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimida ish boshlagan.
Jamshid Xo‘jayev 1987 yilda Navoiy viloyati Qiziltepa tumanida tug‘ilgan. 2008 yilda Navoiy davlat pedagogika institutini milliy istiqlol g‘oyasi yo‘nalishida tamomlagan.
2017 yildan O‘zbekiston yoshlar ittifoqi Navoiy viloyati kengashi raisi bo‘lgan, 2020 yildan Yoshlar ishlari agentligi Navoiy viloyat boshqarmasi boshlig‘i bo‘lgan.
J.Xo‘jayev 2021 yil dekabrida Yoshlar ishlari agentligi direktorining birinchi o‘rinbosari lavozimiga tayinlangandi.
U 2015 va 2020 yillarda Navoiy viloyatidan Oliy Majlis Senatiga saylangan. 2017 yilda «Do‘stlik» ordeni bilan mukofotlangan.
- 2020 yil mayidan buyon Navoiy viloyati hokimining yoshlar siyosati bo‘yicha o‘rinbosari lavozimida ishlagan Yashin Dushanov 2023 yil iyul oyi oxirida, prezidentning Farg‘ona viloyatiga tashrifi chog‘ida o‘tkazilgan yig‘ilishda ishdan olingandi.
Mavzuga oid
22:09 / 14.10.2024
Jizzax viloyati sog‘liqni saqlash boshqarmasiga yangi rahbar tayinlandi
18:37 / 12.10.2024
Toshkent viloyati Yo‘l harakati xavfsizligi xizmatiga yangi boshliq tayinlandi
14:06 / 11.10.2024
Ruldagi bola qamalar, Gentra’ni ijaraga bergan-chi? Noqonuniy mashina ijarasi o‘smirlar o‘limiga sabab bo‘lmoqda
13:30 / 10.10.2024