YHXX Nexia va Cobalt’ga o‘rnatilgan multiradarlar olib tashlanishi haqidagi xabarlarni rad etdi

Ijtimoiy tarmoqlarda Nexia va Cobalt’ga o‘rnatilgan multiradarlar yo‘qotilishi haqida xabarlar tarqaldi. YHXX bu borada rasmiy ma’lumot taqdim etdi.

Foto: IIV YHXBB

Ma’lum qilinishicha, ushbu avtomatlashtirilgan mobil komplekslar prezidentning “Yo‘l harakati xavfsizligini ta’minlash sohasida investitsiyaviy loyihani amalga oshirish chora-tadbirlari to‘g‘risida”gi qaroriga muvofiq bosqichma-bosqich amaliyotga joriy qilinib kelinmoqda.

Mobil komplekslar fiksatsiya qilish tizimining texnika va jihozlari belgilangan standart va talablarga muvofiqligi, inson omilini rad etib avtomatlashtirilgan dasturda ishlashi va foydalanuvdan chiqarilmasligi ma’lum qilindi.

Ayrim ijtimoiy tarmoq obunachilaridan asoslantirilmagan, aniqlik kiritilmagan ma’lumotlarni turli noo‘rin izohlar bilan omma e’tiboriga tarqatmaslik so‘ralgan.