O‘zbekiston va Falastin siyosiy maslahatlashuvlar to‘g‘risida Bayonnoma imzoladi

Toshkentda O‘zbekiston tashqi ishlar vaziri Baxtiyor Saidov va Falastin tashqi ishlar vaziri Riad Malki o‘rtasida uchrashuv bo‘lib o‘tdi.

Foto: TIV

“Asrlar davomida shakllangan tarixiy rishtalarimiz ko‘plab yo‘nalishlarda aloqalarni kengaytirish uchun mustahkam poydevor bo‘lib xizmat qiladi. O‘zbekiston va Falastin bozorlarini kashf qilishda ikki mamlakat ishbilarmonlarini qo‘llab-quvvatlashga tayyormiz”, — deyiladi 20 avgustda e’lon qilingan TIV bayonotida.

Shuningdek, 21 avgust kuni O‘zbekiston-Falastin tashqi ishlar vazirliklari o‘rtasidagi siyosiy maslahatlashuvlar to‘g‘risida Bayonnoma imzolandi.

Hujjatda o‘zaro munosabatlarning ustuvor yo‘nalishlari, erishiladigan aniq maqsadlar va asosiy qadamlar belgilangan.

Rasmiy relizda uchrashuvning boshqa tafsilotlariga to‘xtalinmagan.