«Paxtakor» Toshkentda boshlaydi, «Nasaf» Iordaniyada, «Navbahor» va OKMK 1-turda Saudiyada mehmon bo‘ladi. Guruh bosqich taqvimi

Malayziya poytaxti Kuala-Lumpurda Osiyo Chempionlar Ligasida G‘arb mintaqasining guruh bosqichiga qur’a tashlandi va unda O‘zbekistonning 4 klubi ham o‘z raqiblarini bilib olishdi.

«Paxtakor» «Al-Ayn» bilan boshlaydi

«Paxtakor» nisbatan oson guruhdan o‘rin oldi. «Nasaf»ga o‘tgan yilgi raqibi «As-Sadd» tushdi. «Navbahor» Neymari bor «Al-Hilol»ga qarshi, OKMK Benzema va Kantesi bor «Al-Ittihod» bilan to‘qnash keladi.

O‘zbekistonning amaldagi chempioni sanalmish Maksim Shatskix shogirdlari 1-turda BAAning «Al-Ayn» klubini Toshkentda qabul qiladi, jamoa so‘nggi turni ham «Paxtakor» stadionida o‘tkazadi.

«A» guruhi. «Paxtakor»ning OChL guruh bosqich taqvimi:

 1-tur. 18-19 sentabr

«Paxtakor» - «Al-Ayn» (BAA)

 2-tur. 2-3 oktabr

«Al-Fayha» (S.Arabistoni) - «Paxtakor»

3-tur. 23-24 oktabr

«Paxtakor» - «Ahal» (Turkmaniston)

4-tur. 6-7 noyabr

«Ahal» - «Paxtakor»

5-tur. 27-28 noyabr

«Al-Ayn» - «Paxtakor»

6-tur. 4-5 dekabr

«Paxtakor» - «Al-Fayha».

«Nasaf» turnirni safarda «Al-Faysali»ga qarshi boshlaydi

«Nasaf»ning guruhida esa Saudiya Arabistoni klubi yo‘q. Qarshi jamoasi 1-turda Iordaniyada «Al-Faysali» mehmoni bo‘ladi, guruh bosqichini Qatarda «As-Sadd»ga qarshi bahs bilan yakunlaydi.

«V» guruhi. «Nasaf»ning OChL guruh bosqich taqvimi: 

1-tur. 18-19 sentabr

«Al-Faysali» (Iordaniya) - «Nasaf»

2-tur. 2-3 oktabr

«Nasaf» - «As-Sadd» (Qatar) 

3-tur. 23-24 oktabr

«Sharja» (BAA) - «Nasaf» 

4-tur. 6-7 noyabr

«Nasaf» - «Sharja» 

5-tur. 27-28 noyabr

«Nasaf» - «Al-Faysali»

6-tur. 4-5 dekabr

«As-Sadd» - «Nasaf»

Benzema OChLdagi debyutini OKMKga qarshi o‘tkazishi mumkin

Mirjalol Qosimov murabbiyligidagi OKMK dastlabki turda «Al-Ittihod» mehmoni bo‘ladi. Benzema, Kante va Fabino singari yulduzlar OChLdagi debyutini Olmaliq jamoasiga qarshi o‘tkazadi. Jiddadagi «Qirol Abdulla Spors City» o‘yingohidagi atmosfera qanday bo‘lishini hozirdan tasavvur qilish qiyin emas.

«S» guruhi. OKMKning OChL guruh bosqich taqvimi: 

1-tur. 18-19 sentabr

«Al-Ittihod» (S.Arabistoni) - OKMK 

2-tur. 2-3 oktabr

OKMK - «Eyr Fors» (Iroq) 

3-tur. 23-24 oktabr

OKMK - «Sipohon» (Eron) 

4-tur. 6-7 noyabr

«Sipohon» - OKMK 

5-tur. 27-28 noyabr

OKMK - «Al-Ittihod» 

6-tur. 4-5 dekabr

«Eyr Fors» - OKMK

Neymar OChLdagi debyutini «Navbahor»ga qarshi o‘tkazishi mumkin

«Navbahor» 1-turdayoq turnir favoritlaridan biri, OChLning o‘tgan yilgi finalchisi «Al-Hilol»ga raqib bo‘ldi. Ar-Riyoddagi bahsda Neymar, Kulibali, Mitrovich, Savich, Nevesh, Malkom, Yassin Bunu kabi yulduzlar Osiyo Chempionlar ligasidagi debyut bahsini Namangan jamoasiga qarshi o‘tkazishi mumkin. Vodiy klubi muxlislari qarshisida turnirdagi ilk uchrashuvini 2-turda «Mumbay Siti»ga qarshi o‘tkazsa, «Al-Hilol» noyabr oyi oxirida Namanganda mehmon bo‘ladi.

 «D» guruhi. «Navbahor»ning OChL guruh bosqich taqvimi: 

1-tur. 18-19 sentabr

«Al-Hilol» - «Navbahor»

2-tur. 2-3 oktabr

«Navbahor» - «Mumbay Siti» (Hindiston)

3-tur. 23-24 oktabr

«Navbahor» - «Nassaji Mozandaron» (Eron)

4-tur. 6-7 noyabr

«Nassaji Mozandaron» - «Navbahor»

5-tur. 27-28 noyabr

«Navbahor» - «Al-Hilol»

6-tur. 4-5 dekabr

«Mumbay Siti» - «Navbahor».

Ma’lumot uchun, OChL bahslarida ilk marta guruh bosqichida VARdan foydalanilishi kutilmoqda.