Hindistonda ikki soat ichida 61 mingta chaqmoq urdi, 12 kishi halok bo‘ldi
Mamlakat sharqidagi musson mavsumida chaqmoq urishi tez-tez uchrasa-da, bir kun ichida bunday ko‘p yashin misli ko‘rilmagan edi.
Hindistonning sharqiy qismidagi Odisha shtatida ikki soat ichida momaqaldiroq paytida 61 mingdan ortiq chaqmoq urdi.
Odisha tabiiy ofatlarni boshqarish boshqarmasi ma’lumotlariga ko‘ra, bulutdan bulutga chaqmoq urishi 36 mingdan ortiq marta, bulutdan yerga chaqmoq urishi 25 mingdan ortiq marta kuzatilgan.
Yashin urishi oqibatida 12 kishi halok bo‘ldi, 14 kishi jarohatlandi. Shtat hukumati qurbonlar oilalariga 400 ming rupiy (4,8 ming dollar) miqdorida yordam puli to‘lanishini e’lon qildi.
Momaqaldiroqlarga Bengaliya ko‘rfazi ustidagi faol siklon sabab bo‘lgan. Hindistonning sharqiy qismida musson mavsumida chaqmoq urishi tez-tez uchrasa-da, bir kun ichida bunday ko‘p yashin misli ko‘rilmagan edi.
Hindiston meteorologiya departamenti aholini Bengaliya ko‘rfazidagi siklonlar tufayli ekstremal ob-havo 7 sentabrgacha davom etishi haqida ogohlantirmoqda.
Shu bilan birga, tadqiqotlar dengiz sathining ko‘tarilishi tufayli asr oxiriga borib halokatli chaqmoqlarning ko‘payishini bashorat qilmoqda. Bundan tashqari, iqlimning isishi ham dovul kabi ekstremal ob-havoga olib keladi. Kaliforniya universiteti tomonidan 2015 yilda chop etilgan tadqiqotga ko‘ra, haroratning har 1°S ko‘tarilishi chaqmoq urishi chastotasini 12 foizga oshiradi.
Mavzuga oid
17:32
Rossiya armiyasiga aldov yo‘li bilan jalb qilingan va urushga yuborilgan o‘nlab hindistonliklar vataniga qaytdi
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
01:33 / 14.09.2024
Rossiya Modining talabidan keyin 45 nafar Hindiston fuqarosini armiya safidan bo‘shatdi
15:43 / 12.09.2024