Kamida 3 ta tijorat bankida islom moliyasi mezon va tartiblari joriy etiladi

Banklarni xususiylashtirish va davlat ixtiyorida 3-4 ta bankni saqlab qolish rejalashtirilmoqda.

Prezident bilan bank tizimida islohotlarni jadallashtirish, bank xizmatlari bozori hajmini oshirish va sohada raqobatni rivojlantirish bo‘yicha chora-tadbirlar belgilandi.

Unda quyidagilar nazarda tutilgan:

bank va moliya tizimida yillik kreditlash hajmini 40 milliard dollarga yetkazish, bank omonatlari hajmini 4 barobarga oshirish;
banklarni xususiylashtirish va davlat ixtiyorida 3-4 ta bankni saqlab qolish, bank bozoriga kamida 4 ta yirik nufuzli chet el banklarini jalb qilish;
sudga kiritilgan da’volar bo‘yicha kreditlarga oshirilgan foiz va jarima hisoblashni to‘xtatib turish mexanizmlarini joriy qilish;
banklarga xalqaro tan olingan minimal standart va talablarni joriy qilish orqali me’yorlar va nazorat bazalarini takomillashtirish;
kamida 3 ta tijorat bankida islom moliyasi mezon va tartiblarini joriy etish.