«Hech kimga amal nikohlab berilmagan» - Zoyir Mirzayev Qibraydagi «tozalash» haqida
Toshkent viloyati hokimi Zoyir Mirzayev Qibray tumani hokimligida “tozalash” ishlari yakunlanganini ma’lum qildi.
Qayd etilishicha, tuman hokimligi, korxona va tashkilotlardagi 64 nafar rahbar xodimdan 47 nafari lavozimidan ozod etilib, ularning o‘rniga yosh kadrlar tayinlangan.
17 nafar rahbar kadr tuman hokimining kafolati asosida sinov muddati bilan lavozimida qoldirilgan.
“Hech kimga amal nikohlab berilmagan. Men ketsam, ish to‘xtab qoladi, degan odam xato qiladi. Qibray tumanida kadrlarni isloh qilamiz. Bu mening tashabbusim emas, prezident topshirig‘i”, — dedi Zoyir Mirzayev.
Toshkent viloyatining deputat, keksalar va faollardan tarkib topgan maxsus ishchi guruhi Qibray tumanida 20 kun mobaynida hokimlik hamda korxona va tashkilotlardagi rahbar xodimlarning faoliyatini to‘liq o‘rganib, lavozimiga noloyiq deb topilgan kadrlarni almashtirish to‘g‘risida viloyat hokimligiga tavsiya xatini kiritgan edi.
Rahbar kadrlar tarkibining yosh koeffitsiyenti bo‘yicha Qibray tumani viloyatda birinchi o‘ringa chiqqan. Lavozimga tayinlanganlarning 25 nafari 25-35 yoshgacha bo‘lgan kadrlar.
Avvalroq Zoyir Mirzayev Xalq deputatlari Qibray tumani kengashining navbatdan tashqari sessiyasida tuman hokimligining barcha xodimlari yoppasiga ishdan olgani haqida xabar berilgandi.
Viloyat hokimi tumanda qariyb 20 ming fuqaro migrant sifatida xorijda bo‘lib turganini ta’kidlab, buni «Qibray uchun yarashmaydigan holat» deb atagan.
Mavzuga oid
21:58 / 21.05.2024
Qibrayda yangi chiqindi poligoni quriladi
17:10 / 30.04.2024
"To‘ra Abdiyevich, qattiqroq oling" - Zoyir Mirzayev tibbiyotda yosh kadrlarni ishga olishdagi muammolar haqida
08:21 / 24.02.2024
Qibrayda elektrdan noqonuniy foydalangan holda mayning qurilmalarini o‘rnatgan xonadonlar aniqlandi
22:20 / 21.09.2023