Ozarboyjon mudofaa vaziri Buxoroga keldi
19 oktyabr kuni Ozarboyjon mudofaa vaziri general-polkovnik Zokir Gasanov boshchiligidagi harbiy delegatsiya O‘zbekistonga tashrif buyurdi. Delegatsiya Buxoroda O‘zbekiston mudofaa vaziri general-leytenant Bahodir Qurbonov tomonidan kutib olindi.
Mudofaa vazirligi Axborot va ommaviy kommunikatsiyalar departamentining Kun.uz'ga ma’lum qilishicha, harbiylar dastlab Bahouddin Naqshband majmuasini ziyorat qildi.
Delegatsiya vakillarini rasmiy kutib olish “Buxoro” poligonida o‘tkazildi. Vazirlar uchrashuvda ikki tomonlama harbiy hamkorlik masalalarini muhokama qilgan hamda munosabatlar yangi strategik sherikchilik bosqichiga ko‘tarilganini qayd etdi.
Shuningdek, O‘zbekiston va Ozarboyjon o‘rtasidagi harbiy, harbiy-texnikaviy, harbiy ta’lim va boshqa yo‘nalishlardagi hamkorlikni rivojlantirish istiqbollari, mintaqaviy xavfsizlik masalalari hamda tomonlarni qiziqtirgan boshqa bir qator masalalar muhokama qilindi. Tomonlar o‘rtasida 2024 yilga mo‘ljallangan harbiy hamkorlik memorandumi imzolandi.
Mavzuga oid
09:50
Toshkentda O‘zbekiston-Ozarboyjon maslahatlashuvlari bo‘lib o‘tdi
22:04 / 03.09.2024
Ozarboyjon va O‘zbekiston parom ishlab chiqarishni yo‘lga qo‘yadi
07:42 / 02.09.2024
Ozarboyjondagi parlament saylovlarida Aliyevning partiyasi g‘alaba qozondi
18:55 / 30.08.2024